General Santos City— Adunay mga kabag-uhan nga ipatuman si Jail Superintendent Peter Bangngot Jr, Jail Warden sa Lanton Reformatory Center ilawom sa iyahang pagdumala hilabi na sa oras sa pagduaw.
Matag adlaw’ng Martes hangtud Byernes, magsugod matud pa ang oras sa duaw alas 12 sa udto hangtud na alas 4 sa hapon samtang matag Sabado ug Dominggo, alas 9 sa buntag hangtud na alas 4 sa hapon.
Pagpaklaro niya nga hugot niyang ibawal ang pagbisita sa mga bata panahon sa ting-eskwela gumikan dili usa ka maayong lugar alang sa mga kabataan ang reformatory center.
Samtang gipasigarbo ni Bangngot nga ilahang gipaninguha nga mahimong child-freindly ang maong pasilidad gumikan sa karon ginasugdanna matud pa ang pagtrabaho sa playground sulod niini aron nga adunay lugar ang mga kabataan panahon nga sili muduaw sa ilaha g mga ginikanan.
