Nagalab-ot sa P340K nga kantidad sang nakumpiskar nga ginaaligar shabu sa ginpatigayon nga anti-illegal drug operation sang gintingob nga pwersa sangPhilippine Drug Enforcement Agency ukon PDEA, PNP Regional Intelligence Unit XII, PDEG SOU 6, Tacurong CPS kag Task Force Talakudong sa National Highway, Brgy. Poblacion, Tacurong City, Sultan Kudarat alas 12:50PM kahapon nga adlaw May 18, 2018.
Ginkilala ang suspek kay Allan Amil Ameril, HVT/Watchlisted , 36-anyos, tricycle driver kag residente sang Brgy. Sugadon, Ampatuan, Maguindanao.
Ang suspek ang ginpangalanan sang pipila ka drug personalities nga naaresto sang PDEA XII kag responsable sa pagpalapta sang iligal nga droga sa probinsya sang South Cotabato kag Sultan Kudarat.
Naaresto ang suspek matapos nga magpasugot nga magbalisya sang shabu sa poseur buyer kambyo sang P1, 000.00.
Nakuha sa suspek ang more or less 50 grams sang “shabu” kag nagakantidad sang P340,000.00.
Kaso naman nga pagbayolar sa Section 5 (Sale of Dangerous Drugs) Article II sang RA 9165 ukon “The Comprehensive Dangerous Drugs Act of 2002” ang atubangon nga kaso sang suspek.
Si Ameril ang nakadetine sa subong sa PDEA 12 detention facility.
photo by: PDEA 12
