P5,000 NA FINANCIAL ASSISTANCE TAGHATAG NAN LOKAL NA GOBYERNO SA PLACER NGADTO SA PAMILYA NAN TAGDAGIT NA DUHA KA PULIS MATUD NI SB MEMBER CALUNIA Tagkumpirmar ni Sangguniang Bayan Member Sonny Calunia na mihatag an lokal na gobyerno nan Placer nan P5,000 isip Financial Assistance ngadto sa pamilya nan duha ka tagdagit na pulis na sila ni P02 John Paul Doverte ug P02 Alfredo Degamon Jr. Tagtudlo niini, ila tagrekomendar an paghatag nan gamay na tabang para may magamit-gamit an pamilya bisan kon adto pa sa kamot sa New People’s Army an ila mga mahal sa kinabuhi. Tagpadayag na an amo na kantidad an dugang lamang sa naunang taghatag isab na P10,000 gikan sa gobyerno nan Surigao del Norte. Tagpanhingusgan ni SB Calunia, sila positibo na naglaum na pinaagi sa tabang nan lain-laing mga grupo para sa negosasyon an mabuhian ra nan luwas sila ni P02 Doverte ug P02 Degamon sa labing dali na panahon.
