Unang adlaw sa campaign period alang sa 2019 midterm elections, nagkatigom ang team Padayon Pilipino, Hugpong ng Pagbabago, CDP ug ABAMIN sa gihimong press conference kaganihang buntag.
Gisugdan kini ni kandidato pagka-mayor Pompee La Vina pinaagi sa pagpagawas sa sertipikasyon gikan sa Sandiganbayan, Office of the Ombudsman ug Civil Service Commission National Capital Region isip pagpamatood nga wala siyay kasong giatubang.
Tumong niining mapaila ang tanang mga kandidato ubos sa team Padayon Pilipino nga giunhan ni Pompee La Vina pagka-mayor uban sa iyang bise mayor Vicente Emano, kongresista sa unang distrito Ian Acenas ug sa ikaduhang distrito kanhi congressman Rufus Rodriguez.
Gipaila usab ang mga magpapili pagka-konsehal sa unang distrito nga sila Jose Abu Jr, Ronald Acenas, Alden Bacal, Adrian Barba, Al Legaspi Jr, Loloy Navarro, Dante Pajo ug Lordan Suan. Samtang, Sa ikaduhang distrito mao sila Dometilo Acenas Jr, Alexander Dacer, Leon Gan Jr, Adonis Gumahad, James Judith, Nanette Roa, Bebot Rodriguez ug Ramon Tabor.
Sa maong panagtigom gipahibalo sa mga kandidato ang ilang tagsa-tagsa ka mga plano alang sa Bag-ong Cagayan.
