Gipangandaman na sa lokal nga kagamhanan sa Cagayan de Oro ang pag-abot sa patayng lawas ni kanhi mayor ug Senador nga si Aquilino “Nene” Pimentel.
Karong hapon, mohimo sa meeting ang lokal nga kagamhanan aron sayron ang ilang himoong preparasyon sa city hall.
Mahinumduman nga una nang gianunsyo sa lokal nga kagamhanan nga dalhon dinhi sa syudad ang patayng lawas sa kanhi senador karong Oktubre 23 hangtud Oktubre 25.
Si Senador Pimentel, taga Cagayan de Oro ug nahimong mayor sa syudad sa tuig 1984.
Una niini, nagpa-abot sa pahasubo ang kasamtangang mayor nga si Mayor Oscar Moreno nga suod nga higala sa namatayng senador.
Facebook Comments
