Pag-maximize sa decisive military operations, tinguha sa bag-ong commander sa 88th Infantry Maringal Battalion

Gitinguha karon sa liderato sa bag-ong Commander sa 88th Infantry Maringal Batallion sa Philippine Army nga nakabasi sa lungsod sa Maramag, Bukidnon nga si LtCol. Eric Dima-ala nga ma-maximize ang decisive military operations batok sa mga rebeldeng hugpo sa New People’s Army (NPA).

Sa interview sa RMN Malaybalay ngadto kang 2nd Lt. Noreen Rodillas, Civil Military Operations (CMO)-Officer sa 88th IB, gibutyag niya nga gitinguha karon ni LtCol. Dima-ala ang pag-maximize sa decisive military operations ug ang readiness condition sa kasundaluan.

Bisan paman sa pre-adjustment sa area of operations sa bag-ong liderato, gitinguha gihapon sa kasundaluan nga mas mapahugtan pa ang operasyon nga ipahigayon sa batok sa mga rebeldeng grupo nga naglihok batok sa gobyerno.

Ilawom na sumala pa sa Area of Responsibility karon sa 88th IB ang lungsod sa Impasug-ong, Cabanglasan, ug siyudad sa Malaybalay dinhi sa Bukidnon.

Dako matud pa ang kalampusan sa kasundaluan ilabi na sa kanhi liderato ni LtCol. James Vingno, diin nadismantle ang Guerilla Force Malayag Sub-Regional Committee 2 sa Northern Central Mindanao Regional Committee (NCMRC).

Ubay-ubay usab nga mga proyekto ang namugna sa kasundaluan sa pakigkoordinar na sa mga nagkadaiyang lokal nga pangagamhanan.