Report ni: Tita Jen Palomo Debaja
Nakabaton sang pag paka malaut ang Philippine Embassy Officials sa Tel aviv matapos nag viral ang pag perform sang strip dancers sa isa ka party nga gin organized sang OFW group sang Disyembre 28 ,2017 sa Israel.
Nag lapta sang Lunes Enero 1, 2018 sa social media ang mga litrato matapos gin upload sang blogger nga si Nino Suelo Barzaga ang pag perform sang stripdancer nga isa ka lalaki sa Christmas Party nga gin organized sang Filipino Workers Association, OFW Association kg Fraternity Group Israel.
Gin panginwala sang embahada sa Israel ang gina pasuni nga may kahilabtanan ang mga opisyales sa nasambit nga event kag gina pangabay ang publiko nga untatan ang pag palapta sang fake news .
Ari ang kabahin sang pahayag ni Philippine Ambassador sa Israel Nathaniel Imperial sang Miyerkules “The embassy had no involvement in the festive event held on December 28, which featured a performance by a hired male stripper.”
“The Philippine Embassy in Tel Aviv disclaims any involvement in the appropriate videos and photos of a Christmas party and the Embassy had no hand in that Filipino community event, and calls on everyone to stop spreading fake news,”
Dugang nga ginpahayag sang 2 ka opisyal sang embahada nga nag attend sa party nga naka halin na sila sang nag perform ang stripper . Nabalitaan nalang nila nga may ” highly offensive ” performance nga natabu sa event sang nag viral na ini.
Gina akusahan sang blogger nga si Nino Suelo Barzaga ang 2 ka embassy representatives – Consul Reichel Quinones and Cultural Attache Geraldine Gamoso – nga amu ang nag organized sang event kg wala gin pa untat ang performance.
Gin pasalig ni Imperial nga paga imbistigahan sang embahada ang natabu kg ipatawag ang 3 ka organisasyon nga nag plano sang event agud mag submit sang ila written statement nahanungod sa “highly offensive” performance.
