Wala mahinayon sa pag-turnover ngadto sa Department of Social Welfare Development Reg. 10 ang walo ka bata ug unom ka mga babayeng bakwit gikan sa Sitio Kamansi, Brgy. Banglay, Lagonglong, Mis. Or.
Kini human nga gidagit sila dihang dalhon na unta sila sa DSWD-10, human nga gibabagan sila sa wala mailang mga responsable.
Tungod niini, gimandoan sa sa korte ang kapolisan ug National Bureau of Investigation nga dakpon ang si kinsa mang midagit sa maong mga bakwit.
Mahinumdoman, nga nadesisyon sa korte nga dalhon na lamang ang nasangpit nga mga bakwit sa DSWD-10 ilabina nga usa sa mga babaye ang buros ug delikado ang kahimtang niini.
Gumikan niini, gibati og kaguol ang ilang mga bana kinsa naglaum nga makauban na ang ilang mga anak ug asawa.
Local
Samtang……
Gipahayag ni Atty. Neil Pacana, nga niadtong Agusto otso ning tuiga, gipatawag sa korte ang lider sa mga bakwit nga silang Sarisa Acosta ug Datu Reynaldo Ayuma.
Kini human nga giisyohan sila sa korte og habeas corpos, tungod sa ilang pagpugong sa ilang mga kaubang bakwit nga mopauli na sa ilang lugar nga mao usab ang gusto sa ilang mga partner nga mobalik na.
Apan pag-abot sa korte ilang gibutyag nga dili mosugot ang mga bakwit nga mouban sa ilang mga bana, kinsa mihangyo sa korte tungod kay magpabilin sila sa hawanan sa kapitolyo.
