Sa interview sa RMN Malaybalay ngadto kang SSS-Valencia City Branch Manager, Jose Ruel Herbieto, gibutyag niini dili mamahimong rason ang pag-ubos sa income sa mga trabahante tungod sa pandemya aron nga dili maka-remit ang mga employers ngadto sa SSS.
Dugang pa nga option sa mga employers ang pagbawas sa mga trabahante pagbuto sa pandemya apan kinahanglan nga remitan gayud ang mga nagpabilin nga nagtrabaho tungod kay ginakaltasan man gihapon sa kompanya ang sweldo aron i-remit sa SSS.
Sa pikas nga bahin, gibutyag usab ni Herbieto nga nagpadayon gihapon ilang paghatag sa bisan unsang klase sa loan sa SSS.
Man gani, positibo ang response kabahin niini tungod kay nasabtan sa mga miyembro nga dali lang ang pag-loan sa SSS, importante lang nga nakarehistro ang matag miyembro sa SSS Portal online aron nga dali maproseso ang matag loan.
