Bukidnon midawat sa kadungganan sa Insaktong collection sa buluhisan ug pag lambo sa natad sa negosyo

Gipasidonggan karon ang probinsya sa bukidnon human nagmalamposon nga mapatuman ang insaktong collection sa mga buluhisan ug pag lambo sa natad sa negosyo.

Nasayran nga personal nga gitunol ni Provincial Treasurer Marilou S. Bueno ang Certificate of Achievement sa probinsyal nga pangagamhamhanan sa Bukidnon diha sa Provincial Governor’s Office, Malaybalay City.

Ang maong sertipiko sa kalampusan ilhanan sa pasidungog gikan sa Bureau of Local Government Finance (BLGF) nga naangkon sa probinsya sa dihang migula kini nga Top 2 sa tanang 81 ka mga probinsya sa nasud nga naghimo sa maayong performance alang sa 2019 Highest Nominal Locally Sourced Revenues (LSR).

Gipasabot ni Ms. Bueno nga gumikan sa maalamon ug maayo nga mandu sa Local Chief Executive sa Bukidnon, nahimong han-ay ug hapsay ang paghimo sa Provincial Treasurer’s Office sa tahas nga gilauman gikan kanila uban sa kalampusan usab sa tahas sa Provincial Assessor’s Office, partikular sa real property tax assessment.

Facebook Comments