Pormal na nga gi turn over kagahapong adlawa, ang 1 storey building nga gilangkoban sa 6 classroom nga Pagalungan National High School.
Matud ni Mayor Oscar Moreno, nga tumong sa maong turn over nga mahatagan sa maayong edukasyon ang mga kabataan sa maong dapit.
Nasayran nga usa sa 8 point agenda ni mayor Moreno ang edukasyon, hinungdan nga ubay-ubay na nga classroom building ang iyang gitukod dinhi sa syudad, partikula sa Taglimao, Tuburan, Pigsag-an, Tumpagon, Dansolihon, ug Man-ay, sa unang distrito.
Samtang nagpadayon usab ang pagtukod og classroom sa Sitio Balungkot, ug Midkiwan sa Brgy. Bayanga.
Gilaraw usab niini nga magtukod og high school sa Patag ug Baikingon,
Gumikan niini, gi-aghat ni Mayor Moreno ang mga edaran sa maong dapit nga wala natapos sa high school nga mubalik sa pag eskwela.
Sa kasamtangan, adunay 52 ka mga estudyante ang nagtungha sa Pagalungan National High School, apan gilauman nga sa musunod nga tig tungha madugangan kini sa 60 ka mga graduating students sa elementarya.
Ang 1 ka ektarya nga luna nga gitukuran sa maong eskwelahan ang gi donar ni Engr Armin Cuenca, ug gi gahinana sa 5.8 million pesos nga pundo gikan sa Local School Board fund.
