General Santos City–Desisyon ni Pangulong Rodrigo Duterte kung iya nang bakwion o dili ang deklarasyon sa martial Law sa Mindanao kini ang gibutyag ni Col. Adonis Bajao, ang Commanding Officer sa Joint Task Force Gensan.
Kini ang nahimong reaksyon sa opisyal human sa panawagan sa pipila ka mga magbabalaod ngadto sa pangulo nga tangtangon na ang martial law sa Mindanao.
Gihingusgan ni Col. Bajao nga posibli nga kini bakwion sa Pangulo kung iya na gyud makit-an nga hapsay na ug malinawon ug labaw sa tanan wala nay mga armadong grupo ug mga teroristang naglihukan sa mindanao.
Dugang pagbutyag ni Col. Bajao nga wala may angayan kabalak-an ang katawhan sa gipatumang Martial law sa kasamtangan gumikan lahi ra kini sa Martial Law kaniadto Ilawom sa pagdumala ni Kanhing pangulong Ferdinand Marcos.
