Padayon pa nga nagabantay ang militar upod sa kapulisan sa mga local government units bisan pa nga nag-downgrade na sa General Community Quarantine (GCQ) ang probinsiya sang Negros Occidental.
Sa interview sang DYHB kay Col. Inocencio Pasaporte, commander sang 303rd Infantry Brigade (IB), Philippine Army, ginpahayag sini nga indi pa ini ang husto nga tion para magpull-out ang mga suldado nga nagabantay sa mga border checkpoints.
Bangud nasuguran naman ang mga quarantine measures agud indi maglapta ang coronavirus disease 2019, mas maayo suno kay Pasaporte nga tapuson na lang, antis sila magpull-out.
Sa pihak nga bahin, ipa-check sang army commander ang gina-alegar tensyon sa tunga sang isa ka police woman kag isa ka suldado sa Brgy. Lopez Jaena, Murcia, sa diin ginsita sang pulis ang suldado bangud wala ini nagasuksok sang face mask kahapon.
Santo sa alegasyon, matapos ginsita sang police woman ang suldado, ginbalikan siya sini nga may upod nga Citizens Armed Forces Geographical Unit (CAFGU).
[image: image.png]
