General Santos City—suportado ni Gensan City Mayor Ronnel Rivera ang plano sa General Santos City Police Office (GSCPO) nga ibawal ang helmet sa sentrong bahin sa syudad.Sumala ni Mayor Rivera nga dakong tabang ang pag dili sa helmet aron nga mailhan ang mga suspetsado sa nagkandaiyang krimen sama nalang sa pagpatay.
Nasayran nga sagad sa mga suspek sa sunod sunod nga pagpamusil sa dakbayan nakamotorsiko ug nakasul-ob ug helmet mao nga naglisod ang mga testigo sa pag ila sa mga suspek. Bisan pa nga makuhaan ug CCTV Footage ang krimen, dili man gihapon mailhan tungod nagsul-ob man ug helmet ang suspek.
Kung kahinumduman nga niadtong Martes una nang nagpagawas ug pahayag si Police Sr. Supt. Romeo Ruel Berango nga buot niyang ipatuman ang pagbawal ug helmet sa syudad kansa dakong tabang sa pagsumpo sa kriminalidad.
Samtang gikumperma usab ni Mayor Rivera nga sa dili madugay hingpit nang ma-implementar ang pagbutang ug CCTV camera sa mga nag unang kadalanan sa sentrong bahin sa dakbayan.
