Gi-istrikto na sa probinsya sa Bukidnon ang operasyon sa mga quarantine.
Sa interview sa RMN Malaybalay ngadto kang Dr. Nancy Diez, ang provincial veterinarian sa Bukidnon gibutyag niini nga ang mao nga lakang kabahin sa mga measures aron dili makasulod sa African Swine Fever kon ASF nga gikan sa Luzon.
Matud ni Diez nga kinahanglang istrikto na ang pagpailawom sa biosecurity dili lamang sa mga pambpublikong sakayanan kon dili apil ang mga pribado nga kinahanglan muhunong ug mag-disinfect ang mga tawo nga sakay niini.
Nasayran nga adunay 7 ka mga kwarentinas sa Bukidnon nga naglangkob sa Lorega boundary sa Davao, Umunay boundary sa North Cotabato, Kailangan boundary sa Lanao del Sur, Alae boundary sa Cagayan de oro City, Baungon, Libona ug Malitbog.
Lauman usab nga dugangan nila kini ug duha nga ibutang sa San Fernando ug lungsod sa Talakag.
Gihangyo usab sa provincial veterinary office ngadto sa Sangunniang Panlalawigan nga awhagon ang Bukidnon PNP nga magbutang ug personahe sa maong mga kwarentinas aron walay makalusot nga dili mupailawom sa biosecurity.
