CAUAYAN CITY – INAASAHAN NG MGA FLOWERSHOPS ANG PAGDAGSA NG MGA MAMIMILI NG BULAKLAK NGAYONG ARAW, NOVEMBER 1, 2025.
SA PANAYAM NG IFM NEWS TEAM KAY GINANG JOCELYN RUMBAOA, ISA SA MAY-ARI NG FLOWER SHOP SA LUNGSOD NG CAUAYAN, INAASAHAN NILA ANG PAGDAGSA NG MGA MAMIMILI NG BULAKLAK NGAYONG MISMONG ARAW NG UNDAS.
ANIYA, KAHAPON AY MAYROON NG MGA CUSTOMER ANG NAUNA NG BUMILI NG BULAKLAK MARAHIL AY DAHIL NAUNA NA RIN SILANG BUMISITA SA PUNTOD NG KANILANG MGA MAHAL SA BUHAY.
SINABI NI GINANG JOCELYN NA HINDI NAMAN NAGKAROON NG PAGBABAGO SA PRESYO NG KANILANG IBINEBENTANG BULAKLAK.
NAGLALARO SA P200 HANGGANG SA P2500 ANG PRESYO NG BULAKLAK NA KANILANG IBINIBENTA, DEPENDE SA LAKI AT KLASE.
ANIYA, NAAPEKTUHAN NAMAN UMANO NG MGA NAKARAANG SAMA NG PANAHON ANG KALIDAD NG BULAKLAK DAHIL MAS NUMIPIS NGAYON ANG BULAKLAK NA MAYROON SILA.
ILANG ARAW PA BAGO ANG UNDAS AY NAGSIMULA NA SILANG MAG-AYOS NG MGA ORDERS PARA NGAYONG ARAW LALO PA’T INAASAHAN NILA ANG PAGDATING NG KANILANG MGA SUKING CUSTOMERS.
