Illegal ang pagdakop sa mga elemento sa Criminal Investigation and Detection Group kon CIDG sa duha ka leader sa mga lumad nga silang Kalumbay leader Jomorito Goaynon ug Kilusang Magbubukid ng Pilipinas kon KMP Leader Ereneo Udarbe niadtong Lunes.
Mao kini ang gibutyag ni Atty. Czarina Musni ang Abogado sa mga suspects.
Matud ni Musni nga si Goaynon ug Udarbe, gidakop sa Joint Operation sa CIDG ug militar nga walay warrant of arrest.
Ang duha ka mga suspects, nagsakay sa Jeep de pasahero kay moadto unta sa Talakag, Bukidnon kay motambong sa Joint Dialogue tali sa Piguyonan Tribes, 65th Infantry Battalion ug Commission on Human Rights.
Ang duha ka mga suspects, gipasaka-an sa kasong rebellion, illegal possession of fire arms and explosive ug Violation sa Comelec Gun ban human nakuha gikan kanila ang duha ka granada ug duha ka .45 caliber nga pistola.
Apan matud ni Musni nga ang duha ka mga suspects mipirmag waiver to illegal detention ug ilang gipangayo sa City Prosecutor’s Office ang napulo ka adlaw nga panahon aron pagsumiter sa ilang counter Affidavit sabay sa ilang gipangayo nga Preliminary Investigation sa maong mga kaso.
