Paghatag og honorarium sa mga SK Kagawad, suportado sa konseho sa CdeO

9

Suportado sa konseho sa Cagayan de Oro ang Senate Bill No. 2140 nga mag-amendar sa Republic Act 10742 kon SK Reform Act of 2015 bahin sa paghatag og honorarium sa tanang opisyal sa Sangguniang Kabataan kon SK sa nasud.

 

Isip pagsuporta nagpalabang og resolusyon ang konseho sa syudad.

 

Sa Report ni Konsehal John Michael Seno, chairman sa komite sa sports and youth development nga subay sa Section 13, Article 2 sa 1987 Philippine Constitution ang gobyerno mag-ila sa mga panghinanglanon o papel sa kabatan-onan sa komunidad alang sa kalamboan ug magproteher sa physical, moral, intellectual, spiritual ug social concerns.

 

Kini aron makab-ot ang kaarangan sa kinabuhi dala ang pagdasig sa kabatan-onan pagsalmot o pagpakabana alang sa kaugmaran sa nasud.

 

Naglaom si Konsehal Seno nga pinaagi sa maong balaodnon mahatagan sa pribilihiyo ang tanang opisyal sa SK kinsa ubos sa kasamtangang balaod walay nadawat nga honorarium.

Facebook Comments