Wala sang epekto sa pangginobyreno sang South Cotabato ang paghimo sa General Santos City bilang lone legislative district sang probinsya tungod suno kay Governor Daisy Avance Fuentes nga wala man nagaboto ang Gensan sa mga provincial officials kag wala man suno pa ini sang kontribusyon sa income sang provincial government.
Apang suno sa iya ang sin-o man nga magdaug nga representante sang 1st district, amo ang magakapot sa duha ka distrito sa sulod sang 3 ka tuig, ang distrito sang Gensan kag ang 3 ka banwa, ang Tampakan, Polomolok kag Tupi.
Nahibaluan nga sang Marso 11, ginpirmahan ni Presidente Rodrigo Duterte ang Republic Act 11243 ukon An Act Reapportioning the First Legislative District of the Province of South Cotabato, thereby creating the Lone Legislative District of General Santos City kag iya na suno pa ini ginaekspektar.
