Adunay verification sa mga dokumento nga gihimu ang City Legal Office sa dakbayan sa Butuan nganong hangtod karon gi-impound pa ang nadakpang mga kahoy gikan sa Gingoog city, luyu nga aduna release order nga gipagawas ang DENR-CENRO niini.
Base sa gipaabot nga reklamo dinhi sa RMN DXBC Butuan sa wala nagpailang negosyante, daku na kaayo ang iyang alkansi sa negosyo tungod kay gi-hold sa LGU Butuan ang mga kahoy lakip ang inotang pa nga truck niini bisan ug nalimpyo na ang iyang transaksyon sa DENR.
Sigun ni May Diez, information officer sa City Hall nga nangayo pa ug dugang verification ang buhatan ni City Legal Officer Atty. Franz Maclang gikan sa CENRO Nasipit tungod sa “inconsistencies” matud pa sa mga dokumento niini.
Apan sa dihang gipangutana kung unsa ang piho nga “inconsistencies” sa mga dokumento, giangkon sa opisyal nga dili siya makasulti sa detalye niini.
(VC. LGU 1)
Ang pamahayag ni May Diez, information officer sa City Hall sa interview sa RMN DXBC Butuan.
Kahibaloan nga gibalik-balikan sa RMN News Team si Atty. Maclang aron siya gyud ang mohatag ug katin-awan sa isyu apan kanunay kining wala sa iyang opisina ug gipasa ang tanang pangutana ngadto sa Public Information Office.
Usa ka abogado ang namahayag usab nga walay hurisdiksyon ang LGU Butuan nga mo-impound sa maong mga kahoy tungod kay gikan kini sa Gingoog city ug igu lamang milabay dinhi sa dakbayan.
photo: file
[image: logs.jpg]
