Pagkaaresto sang number 2 regional drug personality sa buybust sa syudad sang Talisay may epekto sa drug operation sang mga sindikato

24

Nagapati ang pinuno sang Philippine Drug Enforcement Unit (PDEA) Negros Occidental nga may epekto sa operasyon sang mga sindikato sang druga ang pagkadakop sang number 2 regional drug personality sa ciudad sang Talisay kahapon.

Sa interview sang DYHB kay Nicolas Gomez, PDEA- Negros Occidental head, ginkumpirmar sini nga ang suspek nga si Raphy M. Duadores, ang ikaduha sa rehiyon sa napatay nga si Gerald Cuadra sa ciudad sang nagligad nga Mayo 2020.


Magluwas kay Duadores, may iban pa nga drug personality karun sa probinsiya sang Negros Occidental nga gina-monitor ang PDEA. Ginkumpirmar man ni Gomez, nga saylo-saylo ang operasyon ni Duadores sa Negros Occidental kag Iloilo bangud ang asawa sini ang taga-Panay.

Samtang, ginpahayag sang PDEA-Negros Occidental head nga diutay ang suplay sang druga sa karun bangud sang mga border lockdowns kag halos wala sang byahe ang mga barko kag eroplano.

Madumduman nga nadakpan si Duadores sa operasyon sang PDEA-6 Special Enforcement Team kag Talisay City Police Station sa Brgy. Zone 10, Talisay City kahapon sang hapon. Nakuha sa paghinakop sini ang 15 grams sang suspected shabu, P33,500 buy-bust/boodle money kag isa ka unit sang dark gray Toyota Fortuner.

Ang suspek ang magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002.




[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments