PB Boy Pico sang Barangay Mansilingan kag bata sini nagpositibo sa covid-19

24

Gin-kumpirmar sa DYHB ni Kapitan Boy Pico sang Brgy. Mansilingan, Bacolod City nga ini ang nagpositibo sa COVID-19 upod na ang iya 22-anyos nga bata.Ginpahayag sang opisyal nga Agosto 14 sang ini ang nagpa-swab test upod ang iya bata kag kagab-i, Agosto 16 sang gin-inform nga positibo sila sa virus.

Antis nagpa-swab test, nagbatyag na si Kapitan Pico sang pagpalanakit sang lawas, sore throat kag hilanat. Ang iya nga bata ang may yara man sang mga sintomas sang COVID-19.


Subong nga adlaw, natalana naman nga i-swab test ang asawa ni Kapitan Pico kag duha nila ka kabulig sa balay. Samtang lantawon pa, kun kinahanglan man nga i-swab test ang ginikanan sang opisyal nga lunsay bed ridden sa karun.

Bangud sang pagpositibo sa virus sang punong barangay, iga-lockdown sang isa ka semana ang barangay hall kag health center sang Brgy. Mansilingan.Nahibaluan nga naga-upod si Kapitan Pico sa team nga nagapang-seal off sang ila mga purok nga may yara man sang mga COVID-19 positive.

[image: image.png]
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>

Facebook Comments