Pagkalangan sa paghimo sa minutes sa sesyon sa SP-Mis.Or, gibalaka sa mga board member

Nabalaka ang mga board member sa Sangguniang Panlalawigan sa Misamis oriental sa pagkalangan sa paghimo sa minutes sa ilang mga sesyon.

Matud ni Board member Dexter Yasay, trabaho ni SP Secretary Atty. Ernesto Sotto Jr, ang pagrecord sa ilang mga mahisgutan matag sesyon ug dili kini angay malangan.

Gipahibalo pa sa opisyal ang palisiya sa Sangguniang Panlalawigan nga matag adlaw’ng Biyernes kinahanglang maapod-apod na sa Provincial Board ang kopya sa minutes aron ma-review ug ma-correct.

Alayon niini, padayong nagpakahilom si Atty Sotto sa mga isyung gibato batok kaniya.