Gipasiguro ni Presidente Duterte sa P-N-P nga mahimong “as safe as possible” ang umaabot nga barangay ug Sangguniang Kabataan Elections.
Matud ni P-N-P Chief Police Director General Oscar Albayalde, kini ang hugot nga gimando kanila sa Presidente sa ginahimong P-N-P / A-F-P Command Conference sa Malacañang kagahapon.
Gihimo sa PNP Chief ang pamahayag human nibisita karong buntag sa Police Regional Office 3 sa Camp Olivas sa Pampanga.
Sa karon matud pa, 28 na ang natalang casualties kung asa 22 ang namatay sa mga insidente sa election-related violence.
Giangkon usab sa PNP Chief nga init gyud ang barangay elections kay mga magkapamilya ug managhigala ang mga gasuporta sa ilang mga kandidato ug dili malikayan nga magka-personalan.
Mahinumduman nga una nang nanawagan ang PNP Chief sa mga kandidato nga likayang mag-away tungod kay wala matud pay rason aron mag-away kung pagserbisyo sa katawhan ang ilang interes.
