Gikumpirmar ni Cagayan de Oro City Water District, Public Information Officer Ladelle Sagrado nga ang pagkawala sa kuryente sa Moresco 1 ang hinungdan sa pagkawala sa supply sa tubig sa westeng bahin sa Cagayan de Oro ug Opol, Misamis Oriental niadtong Domingo.
Matud ni Sagrado nga tungod sa maong power failure, apektado ang operation sa Cobi sa ilang planta sa Barangay Pualas, Baungon, Bukidnon nga maoy nagsupply sa 80 million liters per day sa westeng bahin sa Cagyaan de Oro ug Opol.
Gibutyag Sagrado nga ang water interruption sa COWDÂ niadtong Domingo hangtud sa 7:30 sa gabie.
“Pagka around 7:30 p.m. Mibalik ang supply sa power supply sa Cobi , pero nag-build up pa man ang atong mga water pipe, mao tong pagka buntag sa Lunes, hinay pa ang agas” matud ni Sagrado.
Matud ni Sagrado nga sukad sa bulan sa Enero 2019, mokabat sa tag duha ka higayon matag bulan ang power interruption sa Moresco 1 sa Barangay Pualas nga apektado ang water supply sa COBI.
“Mas daghan gyud ning sa bulan sa june kay ang cobi, dunay unom ka brown out” matud ni Sagrado.
Gibutyag ni Sagrado nga dili lang mabalaka ang water consumers nga gipasalig sa Cobi nga magpalit silag power generator aron dili sila maapektohan sa power interruption sa Moresco 1.
Matud ni Sagrado nga ang Cobi nangita karon sa alternative source sa power samtang ilang gipa-abot ang ilang gipalit nga power generator nga gikatakdang moabot sa bulan sa October 2019.
