Sa interview sa RMN Malaybalay ngadto kang PMaj. Jisselle Longakit, Spokesperson sa PNP-Bukidnon, gibutyag niya nga padayon ang ginahimong imbestigasyon sa kapulisan paglakag sa suspek sa maong krimen.
Nanghangyo sa usa ang pamilya sa biktima nga ipahiluna sa ilang namatay nga kabanay ayha mupasaka og pormal nga kaso.
Gikondena usab sa lokal nga pangagamhanan sa Valencia City ang maong insidente kung asa suspek ang watchman sa munisipyo.
Gikabutyag usab ni Maj. Longakit nga aduna nay kanhi mga kaso ang suspek sa pagpatay kon Murder ug Frustrated Murder apan naserbisyohan na kini sa suspek ug nakagawas na sa bilangguan.
Bag-ohay lang usab matud pa nakasulod isip watchman sa lokal sa Valencia ang gitumbok nga suspek sa krimen.
Sa karon, padayon karon ang paglakag sa kapulisan sa suspek ug gipanawagan nga musurender na aron nga manubag sa salaod niini.
Madumduman nga adtong Sabado sa gabie, gipusil patay sa usa ka Glen Celis, watchman sa LGU-Valencia si Mark Danhil Atay, graduating IT Student gumikan sa panaglalis.
