Wala magustohi si Mayor Oscar Moreno nga gipagawas ang mga sakop sa media sa iyang meeting sa Regional Peace and Order Council kon RPOC niadtong milabayng semana sa usa ka hotel ning syudad sa Cagayan de Oro.
Matud sa Mayor nga gipagawas sa Department of Interior and Local Government ang mga sakop sa media nga walay proper motion ug walay approval sa majority member sa RPOC.
Gipasabot ni Mayor Moreno nga walay rason nga ipagawas ang media sa iyang RPOC meeting kay walay confidential reports ang mga security officials sa seguridad sa Northern Mindanao.
Lakip sa mga government agencies nga nag-report sa RPOC meeting ni Mayor Moreno mao ang military, Police, PDEA, Regional State Prosecutor ug NICA.
Matud ni Moreno nga lakip sa reports sa NICA ang pagsuspenso ni Presidente Duterte sa Peace talk tali sa CPP-NPA-NDF.
Samtang gi-report usab sa militar ug police sa RPOC meeting ang nagpabilin nga hulga sa seguridad sa region 10 gikan sa mga terrorista.
