GUIHULNGAN CITY, NEGROS ORIENTAL – Pasado na las 5 sang hapon sang naghugpa ang presidential plane ni Pang. Rodrigo Duterte sa ciudad sang Guihulngan.
Mismo si PNP chief Ronald dela Rosa ang nagsugata sa president upod sanday PRO18 Director, C/Supt. Edmund Gonzales, 3rd Infantry Division Commander Maj. Gen. Jon Aying kag Negros Oriental Police Director Police S/Supt. Henry Biñas.
Personal nga ginbisita sang presidente ang haya sang apat sa anum ka mga pulis nga napatay nga ginbutang sa Guihulngan City Hall.
Nasugilanon ni Pres. Duterte ang pamilya sang anum ka mga pulis nga nagkalamatay sa ambush sadtong July 21 kon diin napun-an ini sang emosyon ilabi na sang iya ginhatag ang Medalya ng Kadakilaan subong man ang cash assistance kag cellphone.
Nagpadulong man ang pangulo sa Siliman University Medical Center sa Dumaguete City kag nagbisita sa mga nasamaran nga mga pulis nga padayon ginabulong sa amo nga ospital.
Nahibaluan nga masobra sa tunga ka milyon ka pesos ang ginahatag nga financial assistance ni Pang. Duterte sa pamilya sang financial assistance ni Pangulong rodrigo Duterte sa pamilya sang mga nagkalamatay kag nasamaran nga pulis sang Guihulngan PNP.
