General Santos City—Gikatakdang magpahigayon ug imbistigasyon ang Pamunuan sa Sarangani Provincial Jail sa pagpanguna ni Jail Warden Bosoy Sales ngadto sa iyang mga sakop tumong aron sayron kung duna ba silay kapabayaan sa ilang pagbantay sa ilang mga piniriso sulod sa maong pasilidad.
Kini human nga atol sa gihimong Greyhound Inspection sulod sa mga Silda sa male Detainee sa Sarangani Provincial Jail kagahapong adlawa, daghang mga kontrabando ang nakompiska.
Apil sa mga narecover sa kapulisan ang ubay-ubayng bladed ug pointed weapon nga ginama sa kutsara ug tinidor mga cellphone ug daghan pang uban.
Sumala ni Sales nga usa sa iyang kamanduan ngadto sa mga Jail Guards nga bantayan pag ayo nga ilang mga priso ug siguruon nga walay makalusot nga kontrabando aron nga malikayan ang kagubot sulod sa mga silda sama sa nahitabo niadtong nakalabayng simana nga adunay nadunggaban nga piniriso sulod sa silda.
