Gikondinar ni Cagayan de Oro City Mayor Oscar Moreno ang linoog ug walay kalooy nga pagpamomba sa grupong ISIS Terrorist sa Lamitan City sa lalawigan sa Basilan nga mipatay sa onse ka mga tawo.
Matud ni Moreno nga taliwala sa higpit nga security initiative nga gipatuman sa government security forces apan duna pa gihapoy puwersa sa dautang mga elemento nga nangitag mga kasamok ug nag-terrorize sa katawhang Pilipino.
Tungod niini, si Moreno nanawagan sa tanang peace loving people sa Cagayan de Oro ug Northern Mindanao nga suportahan ang kampanya sa tanang peace keeping forces aron pagsiguro sa kahusay ug kalinaw.
Matud ni Moreno nga gikinahanglan na karon sa katawhan ang pagmabinantayon ug tumanon ang mga security guideline sa mga otoridad.
Matud sa mayor nga lakip sa mga guidelines sa peace keeping forces ang pag-inspeksyon sa mga check points.
Matud ni Moreno nga wala nay luna ang luag nga seguridad labi na sa Higalaay Festival sa Cagayan de Oro nga dunay daghang fiesta acitvities.
Naglaom si Moreno nga sabton unta sa katawhan ang posibling mga kahasol sa paglihok lihok nga epekto sa higpit nga security measure nga ang tumong mao lamang ang pagpa-improve sa public safety.
