General Santos City—- Ginapatutukan na ni Police Chief Superintendent Marcelo Morales, Regional Director sa Police Regional Office ang mga kaso sa pagpamusil sa mga miyembro sa kapulisan sa rehiyon kini aron nga masulbad gilayon.
Pamahayag niini nga ang kaso ni SPO4 Gonzaga nga una ng gipusil-patay sa Tupi, South Cotabato ang posibleng adunay koneksyon sa pagpusil-patay Kang Police Senior Inspector Hernan Gabat, ang kanhing deputy station commander sa Polomolok PNP.
Dako matud pa ang posibilidad nga gumikan sa trabaho ang motibo sa pagpatay sa nasangpit nga pulis gumikan sa mga accomplishments niini sa illegal nga droga ug nakakuha ug higayon ang mga criminals rason nga kini gibirahan.
Busa iyaha na matud pa gihatagan ug direktiba ang tanang mga pulis nga mag-doble sa pagbantay sa ilahang mga personal nga siguridad aron nga dili mabiktima sa mga kriminal hilabi na kung naga-byahe padulong man sa trabaho o dili ba kaha pauli sa ilahang mga panimalay.
