Nagpadayon karon ang Task Force Hapsay kable sa pagpangtangtang sa mga spaghetti wires ug kable particular na sa may dalang Osmenia ning dakbayan.
Gibutyag ni National Telecommunications Commission Director Ted Bautista, kinsa mao usab ang co-chairperson sa operasyon sa Task Force nga medyo hinay ang ilang trabaho apan iyang gipasabaot nga dili lamang ang pagkuha sa mga wires ug kable ang ilang gihimo.
Kini naglakip na sa pag-regroom sa mga wire aron limpyo ug hapsay kining tan-awon sa mga poste sa kadalanan.
Gawas niini, gipangkuha usab ang mga gabok na nga poste sa Cepalco ug gipulihan sa bag-o nga adunay 18 ft. nga katas-on gikan sa yuta.
Nasayran nga 20 ka adlaw ang timetable sa task Force aron mahuman ang ilang pagtrabaho sa Osmenia nga area, aron nga didto na usab sila mohimo sa ilang trabaho sa corales, tiano, Capistrano ug pabayo, sa sama gihapon nga timetable sa matag area.
By: RadyoMaN Ellah Baculio
PC: CIO
