*Usa lamang ka diversionary tactics ang gihimo sa mga rebeldeng grupo nga pagpang-recruit, sa upat ka barangay sa Opol, Misamis Oriental nga naglakip na sa Barangay Nangkaon, Limonda, Cauyonan ug Tingalan.*
*Kini ang gipahibalo ni 4th Infantry Division Philippine Army Spokesperson Capt. Joe Patrick Martinez. *
*Mahinumdoman, nga adunay planong moatake ang mga rebeldeng New Peoples Army sa Central Mindanao, apan na-intercept lamang ang operasyon sa maong grupo sa bag-ohay pa lamang nahitabong engkwentro sa Quezon, Bukidnon.*
*Tungod niini, nakompiska sa military ang 24 kabuok nga mga Improvised Explosive Device kon I-E-D sa mga rebeldeng grupo, nga naglakip na sa mga nagkalain laing armas, kontrabando, mga subersibong dokumento ug uban pa.*
*Gibutyag usab ni Capt. Martinez, nga imposible ang migawas nga report nga miabot sa 200 ka mga rebeleng grupo ang nagpatrolya sa upat ka barangay sa Opol.*
*Gani kung tan-awon, hawan nga area ang maong mga barangay ug sayon lamang kanila ang pagpahigayon sa aerial reconnaissance o bisan unsang matang sa recon aron lamang makompirmar ang maong report. *
*Hinuon, aduna na silay mga tropa nga mihimo og clearing operation sa maong mga barangay aron sa pagsusi sa mikaylap nga report.*
*Apan alang kang spokesperson Martinez nga mga diversionary tactics lamang kini ug posibing adunay himuong pag-atake sa laing dapit ang mga rebelde. *
*By: Kasamang Ellah Baculio*
