Eaeaki nga naga ubra it baril arestado, panimaeay gin serbehan it search warrant

Kalibo, Aklan — Arestado rong sangka 69-anyos nga eaeaki nga naga ubra it baril matapos nga serbehan it warrant of arrest ro anang panimaeay kahapon it hapon sa Brgy. Badio, Numancia, Aklan.
Rong suspek nakilaea kay Alberto Raz y Cordova ag residente it nasambit nga barangay.
Gin serbe rong search warrant ko gintingub nga pwersa it Numancia MPS, PIB APPO, CIDG -Aklan ag Aklan PSC nga may No. EJ-04-17 nga ginpermahan ag gin issue ko Agosto 8, 2017 ni Hon. Bienvinido P. Barrios Jr., Executive Judge, RTC 6, Branch 3, Kalibo, Aklan.
Narecover sa panimaeay ni Raz ro mga masunod: 1 folding homemade shotgun, 10 bilog it sari-saring bala, 55 pcs it accessories ko Firearms ag 21 bilog it sari-saring tools sa pag ubra it baril.
Ro nasambit nga suspek hay una eon sa paghinkop it Numancia PNP ag magapangatubang it kasong pagbayolar sa RA 10591.