General Santos City—personal grudge ang motibo sa pagpanunggab sa usa ka minor de edad nga si Alias Ruel, 14 anyos nga taga Purok Balunto, Barangay Labangal, Gensan ngadto sa iyang silingan nga si James Lumacuas, 21 anyos, residenti sa samang lugar.
Sumala ni Police Sr. Inspector Robert Fores, Deputy Chief Of Police sa Police Station 2 nga nasuko matud pa ang suspek ngadto sa biktima human kining gipasanginlang nangawat sa iyang cellphone.
Tungod niini iyang gidunggab ang biktima pila ka higayon nga miresulta sa iyang kritikal nga kondisyon. nasayran nga ang biktima kasamtangan karon nga naadmitar sa Gensan Medical Center nga nahimutang sa Barangay Calumpang.
Gikumperma ni Fores nga bisag minor de edad ang suspek ila gihapon kining pasakaan ug kaso. Una nang nasikop ang maong minor de edad human nga daling nakarespondi ang kapulisan.
giturn-over usab ang nasangpit ngadto sa CSWD human kining nasikop apan ang kaso ginahikay na karon sa Police Station 2.
