General Santos City—Hugtanong gikondina ni Gensan City Councilor Lourdes Casabuena ang gihimong pagpatay ug paglugos sa 8 anyos nga si Mary Agustin Legaspi, nga residente sa Prk. 39.2, brgy. Fatima ning dakbayan.
Sumala niya nga human sa maong insidente, iyaha ng ginasuportahan ang panawagan nga death penalty gumikan dili niya gusto nga aduna pay mga kabataan ang mahimong biktima sa susamang mga kriminal.
Pamahayag niini nga hilabihang kaluoy ang sitwasyon sa biktima dihang kini gipatay sa suspek nga si Mark Engkong, 22 anyos, lumad nga taga Malapatan, sarangani ug temporaryong nagpuyo sa maong lugar human nga mga trabaho isip baker.
Dugang pamahayag ni Kagawad Casabuena nga luyo pa man sa kadaghan sa mga balaud nga anaa sa nasud aron ma-protektahan ang mga kabataan, nagpabilin gihapon ang mga mapahimuslanong kriminal.
Rason nga buot niyang maundang na ang kaso sa mga pagpangabuso ngadto sa mga kabataan alang-alang na usab sa ilahang mga kaugmaon.
