Pagpatay sa Reteradong sundalo ug Kanhing Barangay chairman sa Polomolok, nagpadayon

General Santos City— Nagpadayon pa sa kasamtangan ang gihimong imbistigasyon sa Polomolok Municipal Police Station sa pagpamusil patay sa kanhing barangay chairman sa Purok 3, Barangay Lapu, Polomolok, South Cotabato ala-1:30 sa hapon niadtong Oktubre 5.

Una nang gipusil patay ang biktimang si Ulama Nilong, 74-anyos, minyo ug residente sa lugar ug kanhing barangay chairman sa maong barangay.

Sa Inisyal nga imbestigasyon sa kapulisan nasuta nga pauli na gikan sa mosque ang biktima uban sa driver niini nga si Jep sa motorsiklo dihang gisundan ang mga nahisgutan ug duha ka mga lalaking nakamotorsiklo.


Giduol matud pa sa mga nasangpit ang biktima dayon gipusil sa ulo nga bahin. Nakadagan usab ang driver nga si Jep sa kahadlok nga mapagan sa pagpamusil.

Nasayran nga ayha paman nahitabo ang pagpamusil, daan nang nakadawat ug bahad sa iyang kinabuhi ang biktima. sa karon naglusad na ug mas lawom nga imbistigasyon ang Polomolok PNP kalabutan sa maong insidenti.

Facebook Comments