Maitum, Sarangani Province–Mas gipahugtan na karon sa lungsod sa Maitum, Sarangani Province ang ilahang border control human makatala ug local transmission sa Gensan, Polomolok ug Isulan. Sumala kang Maitum Mayor Bryan Reganit nga higayon nga walay importanteng transaksyon sa Maitum, wala na gyud nila ginatugutan nga makasulod aron usab malikayan nga masudlan ug virus ang Munisipyo.
Nasayran nga ang Maitum na lamang ang nagpabiling Covid- Free sa Sarangani. Nagpatuman na usab sila ug barangay clustering ingon man no movement matag adlaw nga Dominggo aron malimitahan ang lihok sa katawhan. Samtang sa na-unang implemetasyon nga border control sa Gensan, gi-awhag niya ang mga empleyado nga kung mamahimo, dili na magsige ug uli-uli sa ilahang mga balay.
Panawagan niini sa mga residente sa Maitum nga naga-trabaho sa Gensan, kung mamahimo dili nalang una muuli sa Maitum inay magpabilin nalang una sa Gensan hangtud matapos ang implementasyon sa EO42. Samtang sa mga taga Gensan naga naga-trabaho sa Maitum, sama gihapon nga mag-stay in nalang sulod sa duha ka semana o dili ba kaha mag work from home. (LVR)
