Nagpadayon karon ang imbestigasyon sa kapulisan kalabot na sa pagpusil patay sa usa ka kanhi mayor sa Kadingilan, Bukidnon.
Naila ang biktima nga si Julieto Talaid nga usa usab ka negosyante ug manager sa Mellow Touch nga naka-base sa Valencia, Bukidnon.
Gipusil ang biktima sa usa sa mga lalaking sakay sa motorsiklo mga alas nuybe sa buntag niadtong Sabado sa lane 101, Macapagal Drive, Upper Carmen ning siyudad sa Cagayan de Oro.
Nasayran nga nagpalit ang biktima og prutas sa dihang kalit nga gipusil pagbalik niini sa iyang sakyanan.
Nakaangkon sa samad pinusilan sa ulo ang biktima nga maoy gikamatay niini.
Facebook Comments
