General Santos City—Gilauman nang daan ni Gensan Mayor Ronel Rivera ang pagsaka sa mga petty crimes karong panahuna tungod sa kalisud dungan sa nasinatiang pandemya hilabina nga nagsingabot na usab ang Kapaskuhan.
Sumala pa niini nga sa mga susamang panahon motaas ang kaso as pagpanulis, motornapping, akyat bahay ug uban pang kriminalidad hinungdan nga iyaha nang gimanduan ang labaw sa kapulisan nga si Police Col. Gilberto Tuzon nga tutokan kini aron sa ingon mababagan ang unsa mang kremin.
Dugang pa ni Mayor Rivera nga gikinahanglan mas pakusgan pa sa kapulisan ang ilang Police Visibility ug ang pagbutang ug mga pulis sa strategic nga mga lugar. Sa karon kontrolado pa sa kapulisan ang peace and order sa syudad base na usab kini sa obserbasyon ni Mayor Rivera ug nagpabiling hapsay ug malinawon ang kinatibuk-ang syudad sa General Santos.(CDS)
