Sa panglantaw nga madeklarang drug free ang Pilipinas sa tuig 2022, gihingusgan dinhi sa siyudad ang paglakag sa mga nalambigit sa illegal nga droga.
Matud ni konsehal Romeo Calizo, ang co-chairman sa City Anti-Drug Abuse Council o CADAC ug chairman sa City Council Committee on Police, Fire and Public Safety, ipadayon sa konseho ang pagbatok sa illegal nga droga.
Giklaro usab niini ang padayung suporta nga gihatag sa lokal nga kagamhanan uban ang paglaom nga subli kining ma-appoint isip co-chairman sa CADAC nga epektibo sa Hulyo uno ning tuiga.
Dugang pa sa konsehal nga bisan dili siya ma re-appoint, motabang gihapon kini sa away batok sa illegal nga droga.
Samtang, gibutyag ni Calizo nga napili sa Dangerous Drugs Board ang siyudad isip usa sa mga pilot areas diin ipahigayon ang tulo ka adlaw nga seminar nga giulohan og “Introduction to Prevention Science”.
Epektibo na kining napatuman sa Jolo kung asa 90 percent sa problema sa droga ang nasulbad.
Kini gisalmotan sa community-based managers ug representante gikan sa mga partner agencies sama sa Philippine Drug Enforcement Agency, Department of Education, local barangays, Department of Health ug Civil Society Organizations.
Panglantaw sa PDEA nga kung ang barangay drug-free, tanan dakbayan mahimo usab nga drug-free.
Apan alang sa konsehal, kung ang matag pamilya drug-free, ang tibuok dakbayan drug-free usab.
