Gihangyo karon ni Barangay Balulang Chairman Alfredo Carcosa ang mga miyembro sa komitiba sa blue ribbon ubos ni Cagayan de Oro City Councilor Leon Gan nga tangtangon na ang kaso nga gipasaka batok kaniya.
Kini human pakyas sa ikalima nga higayon nga motunga sa hearing sa komite si Atty. Salem Ampatua.
Si Ampatua ang mireklamo batok kang Kapitan Carcosa kabahin sa pagkatudlo nga Barangay Human Rights Action Officer sa Barangay Balulang.
Mahinumduman nga gipasakahan og kasong grave misconduct and abuse of authority si Kapitan Carcosa apan nakita sa komite nga dili interesado si Ampatua sa iyang reklamo human wala na kini mitunga sukad sa unang pagpatawag sa hearing.
By: Mishelle Mesias-Enloran
Facebook Comments
