Roxas City, Capiz- Isa ka proposed resolution ang ginaduso subong ni Committee Chairman on Laws and Good Governance Board Member Eleuper “Bulilit” Martinez nga nagahenyo sa Provincial Environment and Natural Resources Office ukon PENRO nga imbestigahan ang compliance sang residential kag mga business establishment sa Baybay beach. Diri pagalantawon kun ayhan nagasunod ang amu nga mga business establishment sa ginamandar sang laye base sa Environmental Laws kag Clean Water Act. Nahibaluan nga una na nga gin-hold sang city government ang business permit sang kapin sa 30 ka mga restaurant kag business establishment sa Baybay beach agud nga lantawon ang compliance sang mga ini sa mga requirements sang syudad. Sa matandaan, nangin mainit subong sa Duterte administration ang mga nagapanguna beach kag tourist destinations kaangay sang Boracay Island; Panglao Beach sa Bohol; Puerto Galera sa Mindoro; Coron sa Palawan kag iban pa bangud sa ginahimo nga halabyan sang mga basura sa diin ini ang nangin mahigko na.
*(web photo)*
