Davao City – Hapit madisgrasya ang kinabuhi sa usa ka ulitawo human tigbasa sa wala mailhing suspek apan maayo na lamang kay wala maintimano.
Daling gidala sa Southern Philippines Medical Center (SPMC) ang biktima nga si Libadlo Gipulan ug residente sa Binugao, Toril syudad sa Davao.
Matulog na unta ang biktima dihang may misaka nga wala mailhing lalake ug misulod sa kwarto sa biktima dayon tigbas sa makausa ka higayon alas 9:00 sa gabii.
Paspas misibat ang suspek dihang nakapangayo og tabang ang biktima sa iyang pamilya ug wala na gyod maapsi ang maong dautang tawo.
Gitohoang, natripan o dili ba kaha naalaan lamang kini sa misuway kaniya og patay.
RadyoMaN Joel Viray
Facebook Comments
