Hingpit nang gibuksan ang 2018 Palarong Pambansa didto sa Vigan, Ilocos Sur diin mismo si Pangulong Rodrigo Duterte ang pinasidunggang bisita sa programa.
Gibutyag ni Dr. Isidro Biol, ang Curriculum and Learning Development Division chief sa DEPED Caraga nga dili mabitin sa unipormi ang delegasyon sa Caraga region, sukwahi niadtong CRAM nga nahimung isyu ang unipormi sa mga atleta sa dakbayan sa Butuan.
Gisalmotan sa mga atleta sa rehiyon ang tanang “sports events” sa Palarong Pambansa ug malaumon ang opisyal nga daghang mga medalya ang maangkon sa mga atleta. Mitambong usab ang pipila ka mga LGU officials mga gikan dinhi sa Caraga, sama nila City Councilor Glenn Carampatana, chairman sa committee on Education ug ang chairman usab sa committee on Sports si Konsehal Cromwel Nortega. Naghatag usab ang siudad ug financial nga tabang ngadto na sa mga atleta gikan sa Butuan.
Mapasalamaton ang DEPED Caraga sa mga local nga opisyal sa suporta nga gipakita sa delegado ning rehiyon nga gipanguluhan ni Cong. Prospero Pichay sa Surigao del Sur.
Adunay giandam usab nga quarter alang sa mga ginikanan nga buot mosaksi sa ilang mga anak nga miapil sa mga duwa.
Sent from my Samsung Galaxy smartphone.
