General Santos City—Usa ka dakong insulto alang ngadto sa mga taga Mindanao ang nahimong post sa Social Media sa singer actress nga si Leah Navarro human nga mikanayon kini nga gigabaan matud pa ang Mindanao tungod sa ka basa sa baba sa Presidente sa nasud nga usa ka Mindanaoan.
Sumala pa ni Political Analyst ug MSU Professor Richard Pernia nga kung mao kini ang pamahayag ni Leah Navarro dili layo nga ideklara kining persona non grata sa Mindanao.
Gihingusgan usab ni Prof. Pernia nga kung aduna siyay kasuko kang Presidente Rodrigo Duterte unta dili niya apilon ang tibuok Mindanao tungod kay wala matud pay labot ang mga tao sa Mindanao sa ilang away o bangi sa pangulo.
Sakit matud pa sa mga taga Mindanao nga naigo na gani ug kalamidad, duna pay mga tawong galabay ug mga sakit nga pulong.
