Dismayado ang pamilya ni retired SPO4 Rolando Jamaca tungod sa pagkabasura sa kasong murder ug frustrated murder nga ilang gipasaka batok nilang kanhi Police Senior Insp. Charles Ludweg Espera ug Police Insp. Arnel Gighe.
Matud ni Mr. Jamaca nga lig-on ang mga ebidensya nga ilang gipresentar sa korte busa natingala sila kon nganong gibasura kini sa korte.
Apan gibutyag ni Regional Trial Court Branch 23 Presiding Judge Vincent Rosales, nga ilang gipaboran ang mosyon sa mga akusado nga ibasura ang kaso tungod kay wala mitunga si trial Prosecutor Hjalmar Quintana Jr. sa gikatakdang court hearings.
Samtang naglaum usab si Mr. Jamaca nga mahatagan sa pabor ang dinalian nilang motion for reconsideration nga giduso sa prosecutor ngadto kang Judge Rosales kinsa maoy naghupot sa kaso.
