Nagpangayo na sang bulig sa National Bureau of Investigation (NBI) ang pamilya ni Novie Andico agud ma-imbestigaran ang gina-alegar abduction sa 19th Lacson St. sa ciudad sang Bacolod sang Noviembre 19, 2020.
Sa interview sang DYHB sa stepfather ni Novie, ginpahayag sini nga nagdangop na sila sa NBI bangud nga wala sila sang makita nga mihura sa imbestigasyon sang kapulisan. Dugang pa sang stepfather gusto nila makita nga may development na sa kaso.
Samtang ginpahayag sang stepfather, nga nabatian sini sa mga abyan ni Novie nga nakaagi ini nga nangin asset sang mga pulis apang indi niya makumpirmar kun ini ang matuod.
Kaina sang aga, nagkadto na sa NBI Bacolod Field Office ang utod kag lola ni Novie agud pormal na nga mag-submit sang report.Ginapasalig naman ni NBI Bacolod head Renoir Baldovino nga suguran na nila ang imbestigasyon sa gina-alegar abduction.
[image: image.png]
