General Santos City—Gipaniguro ni Sinawal barangay kapitan Dominador Lozano nga tabangan sa barangay ang pamilya sa 3 anyos nga batang babaye kansa gituok-patay sa iyang kaugalingong amahan niadtong nakalabayng simana.
Matud ni kapitan Lozano nga wala gyud sila masayod sa mga nahitabo sa pamilya sa biktima partikular na ang pagpangulata sa ilang amahan ngadto kanila tungod wala man mireport ang ilang inahan ngadto sa Barangay.
Kung aduna lang matud pa untay report nakahimo unta ug aksyon ang Barangay aron nga mabadlong ang suspetsadong amahan sa ginahimo niini sa iyang mga anak ug asawa.
Una nang giangkon sa pipila ka mga anak sa magtiayon dihang giinterview sila sa mga meyembro sa Media human sa kamatayon sa 3 anyos nilang igsuon nga sila ginapasakitan gyud sa ilang amahan.
Niadtong nakalabayng nakalabayng simana dihang gituok matud pa niini ang iyang 3 anyos nga anak nga babaye nga hinungdan sa kamatayon niini mao nga gipadakop ang nasampit.
Dugang pa ni Kapitan Lozano nga sa karon aduna na silay inisyal nga tabang sa pamilya ug ila pa karon nga gitun-an ang uban pang tabang nga mamahimo nilang ihatag ngadto sa pamilya sa biktima alang sa pagpahiluna sa patayng lawas sa bata.
