Pamilya sa giluba sa Agdao, mukaso

404

Davao City – Pursegido nga mukaso ang pamilya sa lalaki nga biktima sa pagpanunggab-patay sa San Isidro Labrador, Brgy. Agdao Proper ning syudad sa Davao niadtong Dominggo, December 8, 2019

Sa interbyu sa DXDC RMN Davao kang Leo Lacava, amahan sa biktima nga si Mark Jun Lacava, 32-anyos, gibutyag niini nga buot nila nga makab-ot ang hustisya ug manubag ang miikyas nga suspek nga si alyas Tata.


Gibutyag sa amahan sa biktima nga nagbaton na og bikil ang duha diin mangayo unta og pasaylo ang iyang anak niadtong higayona apan misangpot kini sa krimen.

Dugang niini nga daghan na’g atraso ang suspek diin aduna na kini ‘history’ sa pagpanunggab gani bag-o lang kining nakagawas gikan sa prisohan.

“Sakit ba kay silingan ra. Kanang tawhana na piniriso na sa DAPECOL. Gamay pan man daw kaayo na napriso, nakadunggab man daw na,” saysay niini.

Nanawagan usab kini sa ilang kaparyentehan nga ihaya ang biktima sa ilang balay sa New Visayas, Panabo City ug kini ilubong sa sunod semana, December 18, 2019.

RadyoMaN Kirby Manzon




Facebook Comments